tumhaare naam ki har ladki se mila hooñ main tumhaara naam faqat tum pe achha lagta hai

apni mutthi men chhupa kar kisi jugnoo kii tarah ham tere naam ko chupke se padha karte hain

main KHud bhi ehtiyaatan us gali se kam guzarta hooñ koi maasoom kyuuñ mere li.e badnaam ho jaaye

aap kyun roenge meri khaatir farz ye saare is ghulaam ke hain din men sau baar yaad karta hooñ password saare tere naam ke hain

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

ik muamma hai samajhne ka na samjhaane ka zindagi kahe ko hai KHvaab hai deewane ka

har museebat ka diya ek tabassum se javaab is tarah gardish-e-dauraan ko rulaaya maine

na-ummee dii maut se kahti hai apna kaam kar aas kahti hai thehar khat ka javaab aane ko hai

ummeed ke vaadon se jee kuchh to bahalta tha ab ye bhi tere gham ko manzoor nahin hote

ab na kaanton hi se kuchh laag na phoolon se lagao ham ne dekha hai tamasha teri raa'naai ka