uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

zindagi kis tarah basar hogii dil nahin lag raha mohabbat men

meri dua hai aur ik tarah se baddua bhi hai KHuda tumhein tumhaare jaisi betiyaan ata kare

aaj to dil ke dard par hañs kar dard ka dil dukha diya main ne

ik muamma hai samajhne ka na samjhaane ka zindagi kahe ko hai KHvaab hai deewane ka

na-ummee dii maut se kahti hai apna kaam kar aas kahti hai thehar khat ka javaab aane ko hai

ummeed ke vaadon se jee kuchh to bahalta tha ab ye bhi tere gham ko manzoor nahin hote

har nafs umr-e-guzishta kii hai mayyat faani zindagi naam hai mar mar ke ji.e jaane ka

ab na kaanton hi se kuchh laag na phoolon se lagao ham ne dekha hai tamasha teri raa'naai ka