bansi sab sur tyaage hai ek hi sur men baaje hai haal na poochho mohan ka sab kuchh radhe radhe hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

maana ki teri deed ke qaabil nahin hooñ main tu miraa shauq dekh miraa intizaar dekh

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ye mirii zindagi ye kuchh bhi nahin bojh hai mujh ko dho raha hooñ main

zindagi be-KHabar rahi mujh se aise ki zindagi basar maine apne andar tujhe basaaya aur dhoondha phir KHud ko dar-b-dar maine

tere baad bhi aayein aur gaiin kitnii hi haseenaayein jaan maine lekin hijr ke gham ka vo bhaukaal banaaye rakkha tere laut aane ka is dil ko arson tak vaham raha dost so barson maine bhi apni daadhi baal banaaye rakkha

muhabbat ya havas men tha abhii tak main kis ke dastaras men tha abhii tak

mere hi saath rahna tha tum ko mujh se hi door ja rahi ho tum raat dariyaa ye chaand tanhaaii jaañ bahut yaad aa rahi ho tum