mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

yahaañ darakhton ke saa.e men dhoop lagti hai chalo yahaañ se chalen aur umr bhar ke li.e

aap dastaane pahankar choo rahe hain aag ko aap ke bhi KHoon ka rang ho gaya hai saanvala

ye saara jism jhuk kar bojh se dohraa hua hogaa main sajde men nahin tha aap ko dhokha hua hogaa

bhookh hai to sabr kar roti nahin to kya hua aajkal dilli men hai zer-e-bahs ye muddaa

marna laga rahega yahaan jee to leejie aisa bhi kya parhez zara-si to leejie