koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

inhi hairat-zada aankhoñ se dekhe hain vo aañsu bhi jo akshar dhoop men mehnat kii peshaani se dhalti hain

hone do charaaghaan mahlon men kya ham ko agar diwali hai mazdoor hain ham mazdoor hain ham mazdoor ki duniya kaali hai

jalane waale jalate hi hain charaaghh aaKHir ye kya kaha ki hawa tez hai zamaane ki