tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ye alag baat ki KHaamosh khade rahte hain phir bhi jo log bade hain vo bade rahte hain

ham vo hain jo KHuda ko bhool ga.e tum meri jaan kis gumaan men ho

tum ko bhula rahi thii ki tum yaad aa ga.e main zahar kha rahi thii ki tum yaad aa ga.e

anjum tumhaara shahar jidhar hai usii taraf ik rail ja rahi thii ki tum yaad aa ga.e

jaan bhi ab dil pe waari jaayegi ye bala sar se utaari jaayegi ek pal tujh bin guzarna hai kathin zindagi kaise guzaari jaayegi

mohabbaton ka saleeqa seekha diya maine tere baghair bhi jee kar dikha diya maine

kal meri ek pyaari saheli kitaab men ik khat chhupa rahi thii ki tum yaad aa ga.e