pooch lete vo bas mizaaj mira kitna aasaan tha ilaaj mira

manzilen kya hain raasta kya hai hausla ho to fasla kya hai

us..ko fursat nahin milti ki palat kar dekhe ham hi deewane hain deewane bane rahte hain

uski tasveerein hain dilkash to hongi jaisi deewarein hain waisa saaya hai ek main hooñ jo tere qatl kii koshish men tha ek tu hai jo jail men khaana laaya hai

dekho ham koi wahshi nahin deewane hain tumse button khulwane nahin lagwane hain

tujh men kas-bal hai to duniya ko baha kar le ja chaai kii pyaali men toofaan uthaata kya hai

mumkin ho aap se to bhula deejie mujhe patthar pe hooñ lakeer mita deejie mujhe

ye samajh ke maana hai sach tumhaari baaton ko itne KHoob-soorat lab jhooth kaise bolenge

vaqiaa'a kuchh bhi ho sach kehne men ruswaai hai kyun na KHaamosh rahoon ahl-e-nazar kahlaaun

ye sochkar ki teri jabeen par na bal pade bas door hi se dekh liya aur chal pade dil men phir ik kasak sii uthi muddaton ke baad ik umr ke ruke hue aañsu nikal pade