log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

kis li.e dekhti ho aaina tum to KHud se bhi khoobsurat ho

aaj ka din bhi aish se guzra sar se paanv tak badan salaamat hai

main kya karoon meri begum suhaag dhundhe hai mere bujhe hue choolhe men aag dhundhe hai vo din ga.e ki udaate the faakhtaayein ham sapera chuhe ke ik bill men naag dhundhe hai

muttakee ho gaya khof-e-biwi se main ab ibadat ka sauda mere sar men hai maine daadhi badhaai to kehne lagii ab kameena ye huroon ke chakkar men hai

na tere aane se meraa shabaab lautaa haina dil lagaane se meraa shabaab lautaa hai qasam KHuda ki bataata hooñ raaz ye tumko nahaari khaane se meraa shabaab lautaa hai

khaddar pahan ke bech raha tha sharaab vo dekha mujhe to haath men jhanda utha liya main bhi koi ganwaar sipaahi na tha janab maine bhi jaam fenk ke danda utha liya

masaail to bahut se hain magar bas ek hi hal hai sehar se shaam tak sar meraa hai begum ki chappal hai mere maalik bhala isse burii bhi kya saza hogii meraa shaadi-shuda hona hi dozakh ki rehersal hai