kuchh baat hai ki hasti mitati nahin hamaari sadiyon raha hai dushman daur e zamaan hamaara

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

muttakee ho gaya khof-e-biwi se main ab ibadat ka sauda mere sar men hai maine daadhi badhaai to kehne lagii ab kameena ye huroon ke chakkar men hai

main kya karoon meri begum suhaag dhundhe hai mere bujhe hue choolhe men aag dhundhe hai vo din ga.e ki udaate the faakhtaayein ham sapera chuhe ke ik bill men naag dhundhe hai

jis film ka hero mujhe hona tha ai paploous film ke do din se ticket bech raha hooñ har kaam police waalon ki marzi se karunga daaru bhi main thaane ke nikat bech raha hooñ

na tere aane se meraa shabaab lautaa haina dil lagaane se meraa shabaab lautaa hai qasam KHuda ki bataata hooñ raaz ye tumko nahaari khaane se meraa shabaab lautaa hai

masaail to bahut se hain magar bas ek hi hal hai sehar se shaam tak sar meraa hai begum ki chappal hai mere maalik bhala isse burii bhi kya saza hogii meraa shaadi-shuda hona hi dozakh ki rehersal hai