kyuuñ darein zindagi men kya hogaa kuchh na hogaa to tajurba hogaa

teraa chup rahna mere zehan men kya baith gaya itni aawaazen tujhe deen ki gala baith gaya

mujhe azaad kar do ek din sab sach bataa kar tumhaare aur uske darmiyaañ kya chal raha hai

manzilen kya hain raasta kya hai hausla ho to fasla kya hai

mere naam se kya matlab hai tumhein mit jaayega ya rah jaata hai jab tum ne hi saath nahin rahna phir peeche kya rah jaata hai mere paas aane tak aur kisi ki yaad use kha jaati hai vo mujh tak kam hi pahunchta hai kisi aur jagah rah jaata hai

ilaahi ek gham-e-rozgaar kya kam tha ki ishq bhej diya jaan-e-mubtala ke li.e

saari duniya ko hai galat-fahmi mujh pe tu mehrbaan hai pyaare

but-kade se chale ho kaabe ko kya milega tumhein KHuda ke siva

kis munh se kah rahe ho ha men kuchh garz nahin kis munh se tum ne wa'ada kiya tha nibaah ka

aane waale jaane waale har zamaane ke li.e aadmi mazdoor hai raahen banaane ke li.e