ham vo hain jo KHuda ko bhool ga.e tum meri jaan kis gumaan men ho

chaai peete hain kahii baith ke dono bhaai ja chuki hai na to bas chhod chal aa jaane de

dekho ham koi wahshi nahin deewane hain tumse button khulwane nahin lagwane hain

tumhaare paanv qasam se bahut hi pyaare hain KHuda kare mere bacchon ki in men jannat ho

hamne ab tak gaal bacha ke rakhe hain kya tumne bhi gulaal bacha ke rakhe hain

dil vo hai ki fariyaad se labreiz hai har vaqt ham vo hain ki kuchh munh se nikalne nahin dete

qaum ke gham men dinner khaate hain hukkaam ke saath ranj lider ko bahut hai magar aaraam ke saath

daava bahut badaa hai riyaazi men aap ko tool-e-shab-e-firaq ko to naap deejie

jo waqt-e-khatna main cheekha to naai ne kaha hañs kar musalmaani men taqat KHoon hi bahne se aati hai

naaz kya is pe jo badla hai zamaane ne tumhein mard hain vo jo zamaane ko badal dete hain