kuchh na kuchh bolte raho hamse chup rahoge to log sun lenge

sair kar duniya ki ghaafil zindagaani phir kahaan zindagi gar kuchh rahi to ye jawaani phir kahaan

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham to kuchh der hañs bhi lete hain dil hamesha udaas rehta hai

jo duniya ko sunaai de use kahte hain khaamoshi jo aankhoñ men dikhaai de use toofaan kahte hain

vo kahte hain main zindagaani hooñ teri ye sach hai to un ka bharosa nahin hai

meri aañkhen aur deedaar aapka ya qayamat aa gaii ya KHvaab hai

lab-e-naazuk ke bose luun to missee munh banaati hai kaf-e-paa ko agar choomun to mehn dii rang laati hai