kaun tumhaare paas se uth kar ghar jaata hai tum jis..ko choo letii ho vo mar jaata hai

maine usse pyaar kiya hai milkiiyyat ka daava nai vo jiske bhi saath hai main us..ko bhi apna maanta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

aur phir ek din baithe baithe mujhe apni duniya burii lag gayi jis..ko aabaad karte hue mere maan-baap ki zindagi lag gayi

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

tujh se to dil ke paas mulaqaat ho gaii main KHud ko dhoondhne ke li.e dar-b-dar gaya

mat pooch ki ham zabt kii kis raah se guzare ye dekh ki tujh par koii ilzaam na aaya

mirii rooh kii haqeeqat mire aañsuon se poochho mira majlisi tabassum mira tarjumaan nahin hai

ham anjuman men sab kii taraf dekhte rahe apni tarah se koii akela nahin mila

titliyan udti hain aur un ko pakadne waale saii-e-naakaam men apnon se bichhad jaate hain