hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

gulaab KHvaab davaa zahar jaam kya kya hai main aa gaya hooñ bataa intizaam kya kya hai

mat pooch ki ham zabt kii kis raah se guzare ye dekh ki tujh par koii ilzaam na aaya

mirii rooh kii haqeeqat mire aañsuon se poochho mira majlisi tabassum mira tarjumaan nahin hai

ham anjuman men sab kii taraf dekhte rahe apni tarah se koii akela nahin mila

titliyan udti hain aur un ko pakadne waale saii-e-naakaam men apnon se bichhad jaate hain