tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

ham vo hain jo KHuda ko bhool ga.e tum meri jaan kis gumaan men ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

sehra se ho ke baagh men aaya hooñ sair ko haathon men phool hain mere paanv men ret hai

ik teraa hijr daaimi hai mujhe warna har cheez aarzi hai mujhe

tamaam nakhuda saahil se door ho jaayen samundron se akelaa men baat karne hai

is li.e raushni men thandak hai kuchh charaaghon ko nam kiya gaya hai

ek dukh ye ke tu milne nahin aaya mujhse ek dukh ye ke us din meraa ghar khaali tha