ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

vo ek aks ki pal bhar nazar men thehra tha tamaam umr ka ab silsila hai mere li.e

zaraa chhua tha ki bas ped aa giraa mujh par kahaan khabar thii ki andar se khokhla hai bahut

Vo toot te hue rishton ka husn e aakhir tha

tu koii gham hai to dil men jagah banaa apni tu ik sadaa hai to ehsaas kii kamaan se nikal

main hooñ aur waada-e-farda teraa aur ik umr padi ho jaise