raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

main bhi ik shakhs pe ik shart laga baitha tha tum bhi ik roz isee khel men haaroge mujhe eed ke din ki tarah tumne mujhe zaayaa' kiya main samajhta tha muhabbat se guzaaroge mujhe

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

main us se ye to nahin kah raha juda na kare magar vo kar nahin saka to phir kaha na kare vo jaise chhod gaya tha mujhe use bhi kabhi KHuda kare ki koi chhod de KHuda na kare

din dhal gaya aur raat guzarne ki aas men suraj nadi men doob gaya ham gilaas men

ghairon se to fursat tumhein din raat nahin hai haan mere li.e waqt-e-mulaqaat nahin hai

naala-e-bulbul-e-shaida to suna hañs hañs kar ab jigar thaam ke baitho mirii baari aayi

meri hi jaan ke dushman hain naseehat waale mujh ko samjhaate hain un ko nahin samjhaate hain

mohabbat ko chhu paa.e laakh koi chhup nahin sakti ye vo afsaana hai jo be-kahe mashhoor hota hai

bhaanp hi lenge ishaara sar-e-mahfil jo kiya tadne waale qayamat ki nazar rakhte hain