hazaar ishq karo lekin itnaa dhyaan rahe ki tum ko pahli mohabbat ki baddua na lage

le de ke apne paas faqat ik nazar to hai kyun dekhen zindagi ko kisi ki nazar se ham

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

yuñ jo takta hai aasmaan ko tu koi rehta hai aasmaan men kya

tere lagaye hue zakhm kyun nahin bharte mere lagaye hue ped sookh jaate hain

ye tumhein kya hua hai kya gham hai tum batao to aankh kyuuñ nam hai ek hi ghoont men shifaa hogii peeke dekho ye aab-e-zamzam hai

zulm kii intiha burii hogii soch kar bas ye mar gaya koii

vo bade hi sakht tevar men dikha hai ishq ke bhi aaj fever men dikha hai ho gaii kafoor chehre ki kashish bhi hijr ka gham uske zevar men dikha hai

yaar ki yaar se judaai hai hijr ki yaad se ladai hai gham se meraa udaas hai bistar yaad teri zafar jo aayi hai

mil raha hai gale zafar dushman eed aisi bahaar laai hai