hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

chhup ga.e vo saaz-e-hasti chhed kar ab to bas awaaz hi awaaz hai

kuchh tumhaari nigaah kaafir thii kuchh mujhe bhi KHaraab hona tha

tumne to hukm-e-tark-e-tamanna suna diya kis dil se aah tark-e-tamanna kare koii

phir kisi ke saamne chashm-e-tamanna jhuk gaii shauq ki shokhi men rang-e-ehtraam aa hi gaya

mirii barbaadiyon ka ham-nashino tumhein kya KHud mujhe bhi gham nahin hai