hamko dil se bhi nikala gaya phir shahar se bhi hamko patthar se bhi maara gaya phir zehar se bhi

hui muddat ki ghalib mar gaya par yaad aata hai vo har ik baat par kehna ki yuñ hota to kya hota

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

ye ishq nahin aasaan itnaa hi samajh lijye ik aag ka dariyaa hai aur doob ke jaana hai

din dhal gaya aur raat guzarne ki aas men suraj nadi men doob gaya ham gilaas men

ye aañsu dhundhta hai teraa daaman musaafir apni manzil jaanta hai

farq itnaa hai ki tu parde men aur main be-hijaab warna main aks-e-mukammal hooñ tiri tasveer ka

na aaya gham bhi mohabbat men saazgaar mujhe vo KHud tadap ga.e dekha jo be-qaraar mujhe

aise iqaar men inkaar ke sau pahluu hain vo to kahiye ki labon pe na tabassum aa.e

jab zaraa raat hui aur mah o anjum aa.e baar-ha dil ne ye mehsoos kiya tum aa.e