koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

ye mujhe chain kyun nahin padta ek hi shaKHs tha jahaan men kya

ye paheli azal se uljhi hai hai bura husn ya hai ishq bura

vo giriftaar. jo kare to phir gesuon ke qafas men mar jaa.e ye tamannaa hai ek 'aashiq kii ishq kii dastaras men mar jaa.e

na badli hai zameen ye aur ye ambar nahin badla tumhaari yaad basti hai tabhi to ghar nahin badla kahii aisa na ho tum yaad kar lo is sabab hamne bahut badle hain mobile magar number nahin badla

main bhi ab toot kar aaine sa gaya hooñ bikhar ishq men jab se feri hain tum ne nigaahen sanam

ye ishq bhi to hai rollet act sa jis men koii gawaah na koii suboot sirf saza