koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

ye ishq nahin aasaan itnaa hi samajh lijye ik aag ka dariyaa hai aur doob ke jaana hai

kitne aish se rahte honge kitne itraate honge jaane kaise log vo honge jo us ko bhaate honge

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

lutf aata hai bahut soch ke mujh...ko ki raqeeb rangat-e-lab ko teri paan samjhte honge

asar karti hai koi-koi baat aahista aahista samajh men aate hain kuchh mojazaat aahista aahista

be-sabab marne se achha hai ki ho koi sabab doston cigarette piyo may-khwaariyaan karte raho

vo ek ashk jo haasil hai zindagaani ka tamaam umr ke manzar nichod kar niklaa

ab sulagti hai hatheli to khyaal aata hai vo badan sirf nihaara bhi to ja saka tha