muddaton baad ik shaKHs se milne ke li.e aaina dekha gaya baal sanwaare ga.e

gulaab KHvaab davaa zahar jaam kya kya hai main aa gaya hooñ bataa intizaam kya kya hai

ik hunar hai jo kar gaya hooñ main sab ke dil se utar gaya hooñ main

maine usse pyaar kiya hai milkiiyyat ka daava nai vo jiske bhi saath hai main us..ko bhi apna maanta hooñ

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

main peechhe bhaagne waalon men sab se aage hooñ ye meri aakhiri koshish hai khud ko paane kii

haalat-e-haal se begaana banaa rakha hai KHud ko maazi ka nihaan-khaana banaa rakha hai

kat gaii umr hamaari ye shikaayat karte apne jaisa koii milta to muhabbat karte

is qadar jazb ho ga.e dono dard khenchoon to dil nikal aa.e

tanhaaii se chaunke jo kabhi KHud ko pukaara khaamoshi se ghabraaye to zanjeer hila dii