sochun to saari umr mohabbat men kat gaii dekhooñ to ek shaKHs bhi meraa nahin hua

le de ke apne paas faqat ik nazar to hai kyun dekhen zindagi ko kisi ki nazar se ham

aur phir ek din baithe baithe mujhe apni duniya burii lag gayi jis..ko aabaad karte hue mere maan-baap ki zindagi lag gayi

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

kisi ko ghar se nikalte hi mil gaii manzil koi hamaari tarah umr bhar safar men raha

jab tak jala ye ham bhi jale iske saath saath jab bujh gaya charaagh to sona pade ha men

ham aasmaañ ke log the jannat se aa.e the KHud ko magar zameen men bona pada ha men

tanhaaii se chaunke jo kabhi KHud ko pukaara khaamoshi se ghabraaye to zanjeer hila dii

main peechhe bhaagne waalon men sab se aage hooñ ye meri aakhiri koshish hai khud ko paane kii

haalat-e-haal se begaana banaa rakha hai KHud ko maazi ka nihaan-khaana banaa rakha hai