yahii bahut hai mire gham men tum shareek hue main hans parūngā agar tumne ab dilaasa diya

mujh...ko badan naseeb tha par rooh ke baghair usne diya bhi phool to KHushboo nikaal kar

muflisi thii aur ham the ghar ke iklaute charaaghh varna aisi raushni karte ki duniya dekhti

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

do gaz sahi magar ye meri milkiiyat to hai ai maut tune mujhe zameendaar kar diya

band kamre men hazaaron meel ab chalte hain ham kaafi mahangi pad rahi hai shaayri se dosti

chaah thii do jahaan ki magar dekhiye ik gali se guzarta raha umr bhar

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

ye uski meherbaani hai vo ghar men hi sanwarti hai nikal aa.e jo mehfil men to qatl-e-aam ho jaa.e

bhoolbhulaiya tha un zulfon men lekin hamko us men apni raahen dikhti theen aapki aankhoñ ko dekha to ilm hua kyun arjun ko keval aañkhen dikhti theen