koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

hamaare baad tere ishq men naye ladke badan to choomenge zulfen nahin sanvaarenge

ye maykashon ka tawazun bhi kya tawazun hai khade bhi rahna sahoolat se ladkhadana bhi hamaare shahar ke logon ko khoob aata hai kisi ko sar pe bithaana bhi aur girana bhi

main chup rahoon to meri aankh bol padtii hai chalo kisi ko to izhaar karna aata hai

tire baghair bhi ham jee rahe hain aur KHush hain ye baat kam to nahin hai tujhe jalane ko

ye alag baat ki main chhod chuka kooza-gari tere jaise to main miTTi ke banaa saka hooñ

hamko hamaari neend bhi waapas nahin mili logon ko unke KHvaab jaga kar diye ga.e