maana ki teri deed ke qaabil nahin hooñ main tu miraa shauq dekh miraa intizaar dekh

vo ladkar bhi so jaa.e to uskaa maatha choomun main usse mohabbat ek taraf hai usse jhagda ek taraf

gulaab KHvaab davaa zahar jaam kya kya hai main aa gaya hooñ bataa intizaam kya kya hai

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

koi shahar tha jiski ek gali meri har aahat pahchaanti thii mere naam ka ik darwaaza tha ik khidki mujh...ko jaanti thii

ye alag baat ki main chhod chuka kooza-gari tere jaise to main miTTi ke banaa saka hooñ

tire baghair bhi ham jee rahe hain aur KHush hain ye baat kam to nahin hai tujhe jalane ko

ye maykashon ka tawazun bhi kya tawazun hai khade bhi rahna sahoolat se ladkhadana bhi hamaare shahar ke logon ko khoob aata hai kisi ko sar pe bithaana bhi aur girana bhi

hamko hamaari neend bhi waapas nahin mili logon ko unke KHvaab jaga kar diye ga.e

yahii bahut hai mire gham men tum shareek hue main hans parūngā agar tumne ab dilaasa diya