ye kabhi milne chale aayenge sadiyon baad bhi waqt ke pannon men kuchh lamhaat rakhkar dekhiye

hamko hamaari neend bhi waapas nahin mili logon ko unke KHvaab jaga kar diye ga.e

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

kise fursat-e-mah-o-saal hai ye sawaal hai koi waqt hai bhi ki jaal hai ye sawaal hai

meraa armaan meri KHvaahish nahin hai ye duniya meri basaaoge nahin hai main tere KHvaab waapas kar raha hooñ meri aankhoñ men gunjaish nahin hai

zindagi tere ta’qqub men ham itnaa chalte hain ki mar jaate hain

nazar bacha ke guzarte ho to guzar jaao main aaina hooñ meri apni zimmedaari hai

tamaam din ke dukhon ka hisaab karna hai main chahta hooñ koii mere aas-paas na ho

jama karta jo main aa.e hue sang sar chhupaane ke li.e ghar hota

vo sar bhi kaat deta to hota na kuchh malaal afsos ye hai us ne meri baat kaat dii