koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

musahfi faarsi ko taq pe rakh ab hai ash'aar-e-hindvi ka rivaaj

mu-e-juz meer jo the fan ke ustaad yahii ik rekhta-go ab raha hai

daal kar gunchon ki mundri shaakh-e-gul ke kaan men ab ke holi men banaana gul ko jogan ai saba

shab jo holi ki hai milne ko tire mukhde se jaan chaand aur taare li.e firte hain afshaan haath men

saadgi dekh ki bose ki tam'a rakhta hooñ jin labon se ki muyassar nahin dushnaam mujhe