tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ujaale apni yaadon ke hamaare saath rahne dona jaane kis gali men zindagi ki shaam ho jaa.e

musahfi faarsi ko taq pe rakh ab hai ash'aar-e-hindvi ka rivaaj

daal kar gunchon ki mundri shaakh-e-gul ke kaan men ab ke holi men banaana gul ko jogan ai saba

mu-e-juz meer jo the fan ke ustaad yahii ik rekhta-go ab raha hai

jee men hai itne bose lijye ki aaj mehr us ke vahaañ se uth jaave

mausam-e-holi hai din aa.e hain rang aur raag ke ham se tum kuchh maangne aao bahaane faag ke