ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ab aise zaaviye par lau rakhi jaane lagii hai charaaghon ke tale bhi roshni jaane lagii hai naya pahluu saleeqe se bayaañ karna padega kahaanii ab tavajjoh se sooni jaane lagii hai

bura banta hooñ ki shaayad aise vo mire saamne achha ban jaa.e

nataaej jab sar-e-mahshar milenge mohabbat ke alag number milenge tumhaari mezbaani ke bahaane koi din ham bhi apne ghar milenge

KHud bulao ke vo yuñ ghar se nahin niklega yahaañ inaam muqaddar se nahin niklega aise mausam men bina kaam ke aaya hua shaKHs itni jal dii tere daftar se nahin niklega

baat karte hue be-khayaali men zulfen khulii chhod dii ham nihtthon pe usne ye kaisi balaaen khulii chhod dii saath jab tak rahe ek lamhe ko bhi rabt toota nahin usne aañkhen agar band kar li to baanhe khule chhod dii