hamaare baad tere ishq men naye ladke badan to choomenge zulfen nahin sanvaarenge

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

hone ko is safar men bahut raayegaan hue lekin ha men shikast ka nauha na jaaniye

main vo sehra jise paani kii havas le doobi tu vo baadal jo kabhi toot ke barsa hi nahin

fursat men raha karte hain fursat se ziyaada masroof hain ham log zaroorat se ziyaada