ye kahte ho tire jaane se dil ko chain aayega to jaata hooñ KHuda haafiz magar tum jhooth kahte ho

tum poochho aur main na bataaun aise to haalaat nahin ek zaraa sa dil toota hai aur to koi baat nahin

use bhi dhoka milega yaqeen hai mujh...ko bharosa vo bhi kisi par to kar raha hogaa

mujhe kahtaa hai jhoothi hain teri bekar si baatein faraaz magar lagta hai vo meri unhi baaton pe marta hai

usse kaho ik baar meraa naam pukaare uske bina saanson ka ragam toot raha hai

gul sa tu teraa saath KHushboo sa haath men teraa haath KHushboo sa ho ke tujh se juda bhatkata hooñ gul se bichhdi anaath KHushboo sa

is nadi kii jawaani girvi hai kya bahegi ravaani girvi hai doobi hai boond-boond karze men baandh men saara paani girvi hai

har she'r har ghazal pe hai aisi chaap teri tasveer ban rahi hai ik apne aap teri tere li.e kisi ko itnaa deewaana dekha lagne lagii hai mujh ko chaahat bhi paap teri

chaand chehra mujhe qubool nahin ab samajhne men koi bhool nahin aankh bas aankh hi hai jheel nahin hont bas hont hi hain phool nahin

aaj palte jo khabaab ke panne maine dil ki kitaab ke panne waqt ne dekh mod rakhe hain tere husno shabaab ke panne