tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

kisi ko ghar se nikalte hi mil gaii manzil koi hamaari tarah umr bhar safar men raha

hamaare baad tere ishq men naye ladke badan to choomenge zulfen nahin sanvaarenge

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

lab-e-khayaal se us lab ka jo liya bosa to munh hi munh men ajab tarah ka mazaa aaya

sabhi inaam nit paate hain ai sheerin-dahan tujh se kabhu tu ek bose se hamaara munh bhi meetha kar

rakhe hai lazzat-e-bosa se mujh ko gar mahroom to apne tu bhi na honton talak zabaan pahuncha

mil ga.e the ek baar us ke jo mere lab se lab umr bhar honton pe apne main zabaan fera kiya