shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ek aawaaz ki jo mujh...ko bacha letii hai zindagi aakhri lamhon men manaa letii hai jis pe marti ho use mud ke nahin dekhti vo aur jise maarna ho yaar banaa letii hai

hua hi kya jo vo ha men mila nahin badan hi sirf ek raasta nahin ye pehla ishq hai tumhaara soch lo mere li.e ye raasta naya nahin

us se bichhad ke KHud ko sambhaala nahin gaya lagta hai gir padi hooñ kisi chalti rail se

nahin hai ghar men teri yaad ke alaava kuchh to kis ke saamne chaai banaa ke rakhti hooñ

mujh ko doli men bitha dar ke hawaale kar de meri maa mujh ko muqaddar ke hawaale kar de

jo kehna chahti hooñ vo to kah nahin paati zabaan pe tazkire aab-o-hawa ke rakhti hooñ