tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

us se bichhad ke KHud ko sambhaala nahin gaya lagta hai gir padi hooñ kisi chalti rail se

mujh ko doli men bitha dar ke hawaale kar de meri maa mujh ko muqaddar ke hawaale kar de

jo mujh se ishq ke qisse sunaata firta tha kahiin vo milta to main us ko aaina deti

jo kehna chahti hooñ vo to kah nahin paati zabaan pe tazkire aab-o-hawa ke rakhti hooñ