teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

mujhe pahle pehal lagta tha zaati mas'ala hai main phir samjha mohabbat qaaynaati mas'ala hai parinde qaid hain tum chahchahaahat chahte ho tumhein to achha khaasa nafsyaati mas'ala hai

ye uski mohabbat hai ki rukta hai tere paas varna teri daulat ke siva kya hai tere paas

meri tanhaaii dekhenge to hairat hi karenge log mohabbat chhod denge ya mohabbat hi karenge log

teri soorat se hai aalam men bahaaron ko sabaat teri aankhoñ ke siva duniya men rakha kya hai

dushman-e-jaan hi sahi saath to ik umr ka hai dil se ab dard kii rukhsat nahin dekhi jaati

hamne maana ik na ik din laut ke tu aa jaayega lekin tujh bin umr jo guzri kaun use lautaaega

ye be-sabab nahin aa.e hain aankh men aañsu khushi ka lamha koii yaad aa gaya hogaa

kaun jeene ke li.e marta rahe lo sambhalo apni duniya ham chale

kisi ke tum ho kisi ka KHuda hai duniya men mere naseeb men tum bhi nahin KHuda bhi nahin