zindagi bhar ke li.e dil pe nishaani pad jaa.e baat aisi na likho likh ke mitaani pad jaa.e

main chahta tha mujhse bichhad kar vo KHush rahe lekin vo KHush hua to badaa dukh hua mujhe

bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

ye tum sab mil ke jo kuchh kah rahe ho main kah saka hooñ par kehna nahin hai hamaara she'r bhi sunne na aayen hamaara dukh jinhen sahna nahin hai

jo toofaanon men palte ja rahe hain vahii duniya badalte ja rahe hain

jurm kii tarah mohabbat ko chhupa rakkha hai ham gunahgaar nahin hain ye bataayen kis ko rooth jaate to manana koii dushwaar na tha vo ta'alluq hi na rakhen to manaae kis ko

dushman-e-jaan hi sahi saath to ik umr ka hai dil se ab dard kii rukhsat nahin dekhi jaati

ye be-sabab nahin aa.e hain aankh men aañsu khushi ka lamha koii yaad aa gaya hogaa

kisi ke tum ho kisi ka KHuda hai duniya men mere naseeb men tum bhi nahin KHuda bhi nahin

tu kahaanii hi ke parde men bhalii lagti hai zindagi teri haqeeqat nahin dekhi jaati