ham bhi dariyaa hain ha men apna hunar maaloom hai jis taraf bhi chal padenge raasta ho jaayega

shaakhon se toot jaayen vo patte nahin hain ham aandhi se koi kah de ki auqaat men rahe

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

dushman-e-jaan hi sahi saath to ik umr ka hai dil se ab dard kii rukhsat nahin dekhi jaati

jurm kii tarah mohabbat ko chhupa rakkha hai ham gunahgaar nahin hain ye bataayen kis ko rooth jaate to manana koii dushwaar na tha vo ta'alluq hi na rakhen to manaae kis ko

hamne maana ik na ik din laut ke tu aa jaayega lekin tujh bin umr jo guzri kaun use lautaaega

ye be-sabab nahin aa.e hain aankh men aañsu khushi ka lamha koii yaad aa gaya hogaa

kaun jeene ke li.e marta rahe lo sambhalo apni duniya ham chale