agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

bade naadaan ho tum bhi zara samjha karo baatein gale milkar jo roti hai bichhadkar kitna royegi

ye filmo'n men hi sabko pyaar mil jaata hai aaKHir men magar sachmuch men is duniya men aisa kuchh nahin hota chalo maana ki meraa dil mere mahboob ka ghar hai par uske peechhe uske ghar men kya-kya kuchh nahin hota

mujhe azaad kar do ek din sab sach bataa kar tumhaare aur uske darmiyaañ kya chal raha hai

shaakhon se toot jaayen vo patte nahin hain ham aandhi se koi kah de ki auqaat men rahe

dushman-e-jaan hi sahi saath to ik umr ka hai dil se ab dard kii rukhsat nahin dekhi jaati

jurm kii tarah mohabbat ko chhupa rakkha hai ham gunahgaar nahin hain ye bataayen kis ko rooth jaate to manana koii dushwaar na tha vo ta'alluq hi na rakhen to manaae kis ko

kaun jeene ke li.e marta rahe lo sambhalo apni duniya ham chale

ye be-sabab nahin aa.e hain aankh men aañsu khushi ka lamha koii yaad aa gaya hogaa

zindagi cheen le bakshi hui daulat apni tu ne KHvaabon ke siva mujh ko diya bhi kya hai