tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

poochte hain vo ki ghalib kaun hai koi batlaao ki ham batlaayein kya

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

mujhe azaad kar do ek din sab sach bataa kar tumhaare aur uske darmiyaañ kya chal raha hai

koi taair idhar nahin aata kaisi taqseer is makaan se hui

kaanta sa jo chubha tha vo lau de gaya hai kya ghulta hua lahu men ye khurshid sa hai kya

jis ki jaanib ada nazar na uthi haal us ka bhi mere haal sa tha

warna insaan mar gaya hota koi be-naam justuju hai abhii

KHaamushi se hui fugaan se hui ibtida ranj ki kahaan se hui