tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

kamra khola to aankh bhar aayi ye jo KHushboo hai jism thii pahle

meri pahli nazar lautaa de mujh ko teri jaanib dobaara dekhna hai

adaakaari bahut dukh de rahi hai main sach-much muskurana chahta hooñ

tasalli de rahe hain chaaragar ko samajh lo haal hai kaisa hamaara

badan ka zikr baatil hai to aao bina sar pair ki baatein karenge