sakhiyon sang rangne ki dhamki sunkar kya dar jaaunga teri gali men kya hogaa ye maaloom hai par aaunga

guzar chuki julmate shab-e-hijr par badan men vo teergii hai main jal marunga magar chiraagon ke lo ko madhyam nahin karunga yah ahd lekar hi tujh ko saumpi thii maine kalbau nazar ki sarhad jo tere haathon se katl hogaa main us ka maatam nahin karunga

rona ho aasaan hamaara itnaa kar nuqsaan hamaara baat nahin karne to mat kar chehra to pahchaan hamaara

bin tumhaare kabhi nahin aayi kya mirii neend bhi tumhaari hai

abhii zinda hai maa meri mujhe kuchh bhi nahin hogaa main ghar se jab nikalta hooñ dua bhi saath chalti hai

lagta hai kaii raaton ka jaaga tha musavvir tasveer kii aankhoñ se thakan jhaank rahi hai

ye saal bhi udaasiyaan de kar chala gaya tum se mile baghair december chala gaya

kya qayamat hai ki aariz un ke neele pad ga.e ham ne to bosa liya tha KHvaab men tasveer ka

ab ke baar mil ke yuñ saal-e-nau manaaenge ranjishen bhula kar ham nafratein mitaayenge

rahbar bhi ye hamdam bhi ye gham-khwaar hamaare ustaad ye qaumon ke hain men'maar hamaare