hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ik hunar hai jo kar gaya hooñ main sab ke dil se utar gaya hooñ main

kitne aish se rahte honge kitne itraate honge jaane kaise log vo honge jo us ko bhaate honge

teri aankhoñ men jo ik qatra chhupa hai main hooñ jisne chhup chhup ke teraa dard saha hai main hooñ ek patthar ki jise aanch na aayi tu hai ek aaina ki jo toot chuka hai main hooñ

zehan se yaadon ke lashkar ja chuke vo meri mehfil se uth kar ja chuke meraa dil bhi jaise pakistan hai sab hukoomat karke baahar ja chuke

zindagi kya kisi mufalis ki qaba hai jis men har ghadi dard ke paivand lage jaate hain

meri KHaamoshiyon men larzaan hai mere naalon ki gum-shuda awaaz

na jaane kis li.e ummeed-waar baitha hooñ ik aisi raah pe jo teri raahguzaar bhi nahin

ham shaikh na lider na musahib na sahafi jo KHud nahin karte vo hidaayat na karenge

ye daagh daagh ujaala ye shab-gazeeda sehar vo intizaar tha jis ka ye vo sehar to nahin