koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

ye mujhe chain kyun nahin padta ek hi shaKHs tha jahaan men kya

le de ke apne paas faqat ik nazar to hai kyun dekhen zindagi ko kisi ki nazar se ham

ghee misri bhi bhej kabhi akhbaaron men kaii dinon se chaai hai kadvi ya allah

zindagi ka muqaddar safar-dar-safar aakhiri saans tak be-qaraar aadmi

tum bhi likhna tum ne us shab kitnii baar piya paani tum ne bhi to chhajje u uupar dekha hogaa poora chaand

dariyaa ho ya pahaad ho takraana chahiye jab tak na saans toote ji.e jaana chahiye

girja men mandiron men azaanon men bat gaya hote hi subh aadmi khaanon men bat gaya