kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

main agar apni jawaani ke suna doon qisse ye jo launde hain mere paanv dabane lag jaa.e

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

ai zabt dekh ishq kii un ko khabar na ho dil men hazaar dard uthe aankh tar na ho

shab-e-visaal bahut kam hai aasmaañ se kaho ki jod de koi tukda shab-e-judaai ka

kaun si ja hai jahaan jalwa-e-maashooq nahin shauq-e-deedaar. agar hai to nazar paida kar

putliyaan tak bhi to phir jaati hain dekho dam-e-naz'a vaqt padta hai to sab aankh chura jaate hain

abhii aa.e abhii jaate ho jal dii kya hai dam le lona chhedoonga main jaisi chahe tum mujh se qasam le lo