ham vo hain jo KHuda ko bhool ga.e tum meri jaan kis gumaan men ho

gale milnaa na milnaa to teri marzi hai lekin tere chehre se lagta hai teraa dil kar raha hai

chaan dii sona ek taraf teraa hona ek taraf ek taraf teri aañkhen jaadu toona ek taraf

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

yahii hai ibadat yahii deen-o-eemaan ki kaam aa.e duniya men insaan ke insaan

ham ne har adnaa ko a'laa kar diya khaaksaari apni kaam aayi bahut

ham ne awwal se padhi hai ye kitaab aaKHir tak ham se pooche koii hoti hai mohabbat kaisi

hoti nahin qubool dua tark-e-ishq kii dil chahta na ho to zabaan men asar kahaan

vo ummeed kya jis kii ho intiha vo vaa'da nahin jo vafaa ho gaya