ishq men ye daava to naiiñ hai main hi awwal aaunga lekin itnaa kah saka hooñ achchhe number laaunga

koi haseen badan jin ki dastaras men nahin yahii kaheinge ki kuchh faaeda havas men nahin

kabhi to chaunk ke dekhe koi hamaari taraf kisi ki aankh men ham ko bhi intizaar dikhe

main tere baad koi tere jaisa dhoondhta hooñ jo be-vafaaii kare aur be-vafa na lage

tum poochho aur main na bataaun aise to haalaat nahin ek zaraa sa dil toota hai aur to koi baat nahin

ham ne har adnaa ko a'laa kar diya khaaksaari apni kaam aayi bahut

ham jis pe mar rahe hain vo hai baat hi kuchh aur aalam men tujh se laakh sahi tu magar kahaan

vo ummeed kya jis kii ho intiha vo vaa'da nahin jo vafaa ho gaya

yahii hai ibadat yahii deen-o-eemaan ki kaam aa.e duniya men insaan ke insaan

raazi hain ham ki dost se ho dushmani magar dushman ko ham se dost banaya na jaayega