ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

hazaar ishq karo lekin itnaa dhyaan rahe ki tum ko pahli mohabbat ki baddua na lage

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

toofaanon se aankh milaao sailaabon pe vaar karo mallaahon ka chakkar chhodo tair ke dariyaa paar karo

dil se saabit karo ki zinda ho saans lena koi suboot nahin

bol ki lab azaad hain tere bol zabaan ab tak teri hai

ye daagh daagh ujaala ye shab-gazeeda sehar vo intizaar tha jis ka ye vo sehar to nahin

na jaane kis li.e ummeed-waar baitha hooñ ik aisi raah pe jo teri raahguzaar bhi nahin

dil se to har moamala kar ke chale the saaf ham kehne men un ke saamne baat badal badal gaii

na gul khile hain na un se mile na may pee hai ajeeb rang men ab ke bahaar guzri hai