koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

tajurba bas tumhein hai jeene ka hamne to zindagi ganwaai hai dast ke aap hi musafir ho khaak hamne kahaan udaai hai

sunaate nahin the sunaana pada hai use dard mujh...ko dikhaana pada hai muhabbat safar hai musafir hain ham bhi so dil ko thikaana banaana pada hai

abhii jang jaarii hai haara nahin hooñ ki hathiyaar apna utaara nahin hooñ zameen hai ye meri na lalkaaro mujh ko sunaami hooñ main koii dhaara nahin hooñ

saans lene ke bhi paise dene honge is qadar mehngaai badhti ja rahi hai

saath kya ham chale kuchh qadam dost lagne lage saare gham baat chalne lagii aapki hanste hanste lage rone ham